أسـف يابلدى
أسف يابلدى وبعتذرلك
أسف لأنى غِلطت فيكى
آسيت عليكى وقولت خاينه
قولت بعتى اللى ضحوا ليكى
ونسيت يابلدى ألوم ولادك
وبجد أسف إِتعميت ... وجِيت عليكى
ومجتش مرة على ولادك
مش لومت مرة حد فيهم
مش لومت إبنـك..
مش لومت إبنك اللى باع أرضك
والا اللى باع نيلك وهرمك
والا اللى باع غازك وقمحك
ماهو فى الاصل باعك
لما باع عِرضك وشرفك
ومش لومت بنتك...
لما باعت يوم نفسها
وسابت ولادها اللى هما من لحمها ودمها
ونسييت انها فى الأصل مدرسه
واجب عليها (تربى .. تعلم .. تفهم .. توعى)
ماهى الأم مدرسه
لكنها جريت ورا غريزة مش كويسه
وحِجتها كانت هجيب لقمه عيش لولادى كويسه
أسف يابلدى وإعذرينى
جهلى بحالك خلانى أعمى
لكن الغريب يابلدى...
مفيش فـ ولادك إبن فالح
طب إبن صالح
إبن يخاف ربنــا
إبن يقول للظلم لأ
ويقف قصاد ولادك لما يبوعكى مننا
كل شبر من أرضك معدش لينا
كل قطره من نيلك بكره مبقتش لينا
كل نسمه من هواكى الطيب
كل حاجه فيكى يابلدى ... راحت علينا
أسف يابلدى وإعذرينى
شوفت فيكى اللى عمانى
شوفت فيكى حزب واطى
أسف لأ .. حزب وطنى
بيحكم فيكى من حديد
وكأنه حابس كلاب أو بهايم فى الزريبه
شوفى .. مش هقولك كتير عليه
ولا هحكيلك عنه حاجه
بس إسألى أى حد من ولادك
هيقولك عنه كلمتين
هيقولك الله يلعن اللى جابه أمه
وشوفت فيكى العجب
شويه معارضه مغرضين
لأ أسف يابلدى
شويه معارضه منورين
فى الشوارع مليانين
لخدمه الفقرا والغلابه والناس الشحاتين
بس ياخسارة
الخدمه لمده يومين
وكمان كل اربع سنين
يجوا فى اليومين يتنططوا ويتشعبطوا
ويقولوا لينا اى كلام والسلام
كلمتين محفوظين
عاوزين نزاهه وعاوزين ضمان
ويدوبك هما يومين وتتقسم الغنيمه
وترجع ريمه لعادتها القديمه
ويجوا ووالله هما هما بعد كمان اربع سنين
أسف يابلدى وبعتذرلك
صدقينى لو كنت عارف إنى كلامى ده واصلك
كنت بوستك..
بوست نيلك..
وبوست رجلك.. "أرضك"
لكن كلامى ده فى الهوا طاير
طاير ورايح عندهم
وهيقروا بقى ويشوفوا كلامى
عارف!!.
هيولوعوا فيا وهيدفنونى مكانى
ساعاتها بقى
هطلب منهم حاجه واحده
مش كل معدوم بيسألوه نفسك فى إيه
يدفنونى فـ ترابك الطاهر
صدقينى وهكون فرحان بجد
بس يلاقوا فيكى مكان طاهر
أصل هما كل مكان فى أرضك باركوا فيه
وهيكون معادنا يوم القيامه
هشّهدك عليهم قصاد ربنا..
وهحّلفك بالله وهسألك
أنا شوفت فيكى مرمطه أد إيه؟
وإتهنت فيكى وإتعذبت ليه؟
وهناك بقى يابلدى كل شئ هيبان
مين كان فـ ولادك خاين
ومين ندل ومين كان جبان
ومين فيهم كان بجد إنسان
وكمان هتعرفينا كان ايه سبب سكوتك
كان عاجبك ولادك
والا غصب عنك كان سكوتك
وألف سلامه يابلدى وإلى اللقاء
أسف يابلدى وبعتذرلك
أسف لأنى غِلطت فيكى
آسيت عليكى وقولت خاينه
قولت بعتى اللى ضحوا ليكى
ونسيت يابلدى ألوم ولادك
وبجد أسف إِتعميت ... وجِيت عليكى
ومجتش مرة على ولادك
مش لومت مرة حد فيهم
مش لومت إبنـك..
مش لومت إبنك اللى باع أرضك
والا اللى باع نيلك وهرمك
والا اللى باع غازك وقمحك
ماهو فى الاصل باعك
لما باع عِرضك وشرفك
ومش لومت بنتك...
لما باعت يوم نفسها
وسابت ولادها اللى هما من لحمها ودمها
ونسييت انها فى الأصل مدرسه
واجب عليها (تربى .. تعلم .. تفهم .. توعى)
ماهى الأم مدرسه
لكنها جريت ورا غريزة مش كويسه
وحِجتها كانت هجيب لقمه عيش لولادى كويسه
أسف يابلدى وإعذرينى
جهلى بحالك خلانى أعمى
لكن الغريب يابلدى...
مفيش فـ ولادك إبن فالح
طب إبن صالح
إبن يخاف ربنــا
إبن يقول للظلم لأ
ويقف قصاد ولادك لما يبوعكى مننا
كل شبر من أرضك معدش لينا
كل قطره من نيلك بكره مبقتش لينا
كل نسمه من هواكى الطيب
كل حاجه فيكى يابلدى ... راحت علينا
أسف يابلدى وإعذرينى
شوفت فيكى اللى عمانى
شوفت فيكى حزب واطى
أسف لأ .. حزب وطنى
بيحكم فيكى من حديد
وكأنه حابس كلاب أو بهايم فى الزريبه
شوفى .. مش هقولك كتير عليه
ولا هحكيلك عنه حاجه
بس إسألى أى حد من ولادك
هيقولك عنه كلمتين
هيقولك الله يلعن اللى جابه أمه
وشوفت فيكى العجب
شويه معارضه مغرضين
لأ أسف يابلدى
شويه معارضه منورين
فى الشوارع مليانين
لخدمه الفقرا والغلابه والناس الشحاتين
بس ياخسارة
الخدمه لمده يومين
وكمان كل اربع سنين
يجوا فى اليومين يتنططوا ويتشعبطوا
ويقولوا لينا اى كلام والسلام
كلمتين محفوظين
عاوزين نزاهه وعاوزين ضمان
ويدوبك هما يومين وتتقسم الغنيمه
وترجع ريمه لعادتها القديمه
ويجوا ووالله هما هما بعد كمان اربع سنين
أسف يابلدى وبعتذرلك
صدقينى لو كنت عارف إنى كلامى ده واصلك
كنت بوستك..
بوست نيلك..
وبوست رجلك.. "أرضك"
لكن كلامى ده فى الهوا طاير
طاير ورايح عندهم
وهيقروا بقى ويشوفوا كلامى
عارف!!.
هيولوعوا فيا وهيدفنونى مكانى
ساعاتها بقى
هطلب منهم حاجه واحده
مش كل معدوم بيسألوه نفسك فى إيه
يدفنونى فـ ترابك الطاهر
صدقينى وهكون فرحان بجد
بس يلاقوا فيكى مكان طاهر
أصل هما كل مكان فى أرضك باركوا فيه
وهيكون معادنا يوم القيامه
هشّهدك عليهم قصاد ربنا..
وهحّلفك بالله وهسألك
أنا شوفت فيكى مرمطه أد إيه؟
وإتهنت فيكى وإتعذبت ليه؟
وهناك بقى يابلدى كل شئ هيبان
مين كان فـ ولادك خاين
ومين ندل ومين كان جبان
ومين فيهم كان بجد إنسان
وكمان هتعرفينا كان ايه سبب سكوتك
كان عاجبك ولادك
والا غصب عنك كان سكوتك
وألف سلامه يابلدى وإلى اللقاء
ليست هناك تعليقات:
إرسال تعليق
من الممكن ان تشارك معنا بالتعليق علي محتويات المدونة .. كن ايجابي وشارك :) ؟
ملحوظة: يمكن لأعضاء المدونة فقط إرسال تعليق.